مدونة linuxawy

البقاء لله

توفى الى رحمة الله تعالى الاستاذ الدكتور عبد الوهاب المسيرى

سيصلى على جثمان الراحل الكبير بعد صلاة الظهر بمسجد رابعة العدوية - مدينة نصر - القاهرة

ثم يسافر الى دمنهور ليشيع رسميا بعد صلاة العصر من مسجد الرحمة بمدينة دمنهور

المصدر: موقع حركة كفاية

جبهة علماء الأزهر: النظام الذي يهدر حقوق الإنسان لا شرعية له

شكل الناس ديه محترمة.. الموقع بتاعهم فيه كلام يخلينى احس ان ممكن يكون فيه ناس لسه بتفهم وتتكلم فى الزمن ده.. حاقرالهم اكتر وابقى اكتب عنهم بعدين ان شاء الله

الرسالة دبه جتلى على الفيس بوك.. مش متأكد من صحتها لكن قلت أنشرها...

تحديث : الخبر صحيح ومنشور على الشبكة العربية لحقوق الانسان هنا

---

تهديدات بحل جمعية العون المصرية لحقوق الإنسان بناء على تعليمات أمن الدولة

أنا مقاطع 6 حاجات .. وما اقدرش اطلب من كل الناس انهم يعملوا زيى.. بس اللى يقدر يعملها يتفضل

1. الجرايد الحكومية : عمرى ما حاديلهم ربع جنيه..اديلهم الفلوس علشان يبوسوا ايد (مشيها ايد) الحكومة بيها؟ على جثتى.

خلص اليوم وعدى بصورة هادية فى اسكندرية زى ما كنت متوقع.. اسكندرية لسه ما اتشحنتش كفاية علشان تدخل فى مصادمات عنيفة مع الحكومة، حصلت مظاهرات طبعا فى مكان المظاهرات المقدس – المنشية.. وسمعت عن حبة اعتقالات لكن يمكن مش للدرجة الكبيرة زى القاهرة أو المحلة.

لما المحافظة تهد موقف عربيات وموقف السوبر جيت، يبقى أكيد عايزه تعمل حاجة تانية، لكن انها تعمل كده علشان تصغر الموقف وتنقل السوبر جيت وتعمل جنينه مع العلم ان الاوتوبيسات بتاعة النقل العام بتسد الشارع، يعنى باختصار بتزود المشكلة. يبقى فيه دماغ غريبة فى الموضوع. انا مش ضد الجناين على فكرة لكن ملاحظة ان ده بعد شارع واحد من نادى سموحة اللى هو تانى أكبر نادى فى مصر يعنى مساحة خضراء كبيرة جدا (يعنى مش محتاجين تمثيل ضوئى واوكسوجين وبتاع) وملاحضة ان الجنينه ديه متسورة يعنى ما حدش حيعرف يقعد فيها.. يبقى كده فيه حاجة غلط.. حط عندك ان ده بالضبط عند باب محطة القطر فى سيدى جابر وفى وسط ابراج الصغير فيها 12 دور.. يعنى انت اصلا محتاج موقف كبير.

شاب عنده 17 سنة.. شاب مصرى، المفروض يكون دلوقتى فى ثانوية عامة أو اولى كلية.. شاب لما تشوف صورته تحس انه ولد عادى جدا مش مثلا شكله واحد واخد مطوتين فى وشه ولا نظرته كارهة البلد واللى عايشين فيها، بالعكس تشوف فى عينيه تصميم واصرار يمكن أكبر من سنه.. بص كده على صورته هنا

أنا ماعرفش حاجة عن ظروفه هنا فة مصر كانت حلوة ولا وحشة.. ماعرفش هو منين فى مصر. لكن اللى اعرفه ان لما واحد فى السن ده يخاطر بحياته علشان يهرب من مصر لفرنساويدفع حياته فعلا ثمن لمحاولة هروبه الفاشلة يبقى اكيد عندنا مشكلة.