أنا مقاطع
أنا مقاطع 6 حاجات .. وما اقدرش اطلب من كل الناس انهم يعملوا زيى.. بس اللى يقدر يعملها يتفضل
1. الجرايد الحكومية : عمرى ما حاديلهم ربع جنيه..اديلهم الفلوس علشان يبوسوا ايد (مشيها ايد) الحكومة بيها؟ على جثتى.
2. البضايع الامريكية واليهودية : على قد ما اقدر.. أكيد مش حاقاطع الأدوية.. وما باحرجش حد ما اعرفوش لما يعزمنى على حاجة ساقعة، بس باعمل اللى اقدر عليه.
3. الاحزاب المصرية : ما باحبش خيال المآتة.
4. البنزين : مش مقاطعة بذمة أوى لكن ما باخدش العربية غير فى حدود ضيقة على قد ما اقدر.
5. مواقف محافظة اسكندرية : وكل اللى بيجيب للمحافظة فلوس لو قدرت أقاطعه..
6. الدانمارك : ومش مقاطع هولندا ومش ناوى اقاطعها، الشعب اللى يقف مع اللى شتمنى غير الشعب اللى ضد اللى شتمنى.. الفرق واضح.
مع ملاحظة ان مقاطعة الدانمارك ديه معنوية لانى ما كنتش باشترى حاجة منهم أصلا
حد مقاطع معايا؟؟
Syndicate
انا معاك بس مش
انا معاك بس مش في كل الحاجات دي طبعا علي الاقل الاعلانات الي في الجرايد زي متلا الاهرام ولا الاخبار "الاعداد الاسبوعية" مبعرفش القيها في اي حته تنية بجد لو عندك مكان الاقي فيه الاعلانات دي اقاطع من دلوقتي.
loool @ شخص مش خجول
loool @ شخص مش خجول ولا مجهول
ماشى يا سيدى بص على الاعلانات لحد ما ربنا يكرمك وتلاقى شغل :P:P:P
بس ازاى مش مجهول؟ من انت يا فتى ياللى بتشترى الاهرام والاخبار كمان؟؟
:P:P:P
علِّق