ازاى تشغل اى ايميل على المازنجر (MSN messenger)

نشره linuxawy يوم سبت, 16/08/2008 - 1:48pm.

البوست ده انا كتبته فى لحظة تهييس على موقع العائلة الكريمة :) كان ابن خالى عايز يعرف ازاى يشغل ايميله اللى مش على الهوتميل على msn messenger..

صبح يابو الشباب

قشطة كده خير اللهم اجعله خير، بقى عندك ايميل روش كيك عبارة عن اسمك.. ايميل ما يتنسيش من الاخر.. بس المشكلة ان اصحابك الرخمين ما بيكتبوش الايميلات، يا اما انت عندهم على الشات يا اما ما يعرفوكش. أم الرخامة اللى عند البشر دى يا أخى.. معلش معلش.. برضه انا حاظبطك ;)

حاخليلك الايميل يشتغل على المازنجر والجرندايزر كمان لو عايز... بس ما تضيقش خلقك كده وطقطق دماغك معايا.

اقتح الموقع بتاع مايكروزفت اللى اسمه http://www.passport.net ودوس على sign up .. أيوه اللى على الشمال ديه.. بعد كده قولله yes حيفتحلك صفحة جديده.. دخل فيها ايميلك واعمل باسوورد علشان تخش بيه على المازنجر.. خلى بالك يابو الشباب، ديه مش لازم تبقى نفس الباسوورد بتاعة الايميل، ممكن تخلى واحدة للايميل وواحدة للمازنجر وواحدة تالتة للموقع اللى انت بتقرأ الكلاد ده عليه. أو تخليهم كلهم زى بعض، براحتك يا باشا.

خلصت الصفحة يا معلم؟ طب قشطة بالعسل.. الصفحة اللى بعدها اكتب ايميلك تانى.. هم كاتبينه عندك علشان تغش منه :P

قشطة يا معلم كله تمام.. استنى منهم ايميل تأكيد وبعد كده كله تمام ان شاء الله :)

لو قابلك مشكلة كلمنى على 09001234

ياللا باى

حبيبى احبك حبا

نشره teto0mestr20002000 (لم يتم التحقق) يوم خميس, 04/09/2008 - 9:49pm.

حبيبى احبك حبا كثيرا

خيارات عرض التعليق

اختر الطريقة التي تفضلها لعرض التعليقات، ثم اضغط على "احفظ الإعدادات" لتفعل التغيرات.

علِّق

محتويات هذا الحقل سرية ولن تظهر للآخرين.
CAPTCHA
السؤال ده علشان أطمن انك بنى ادم مش برنامج كمبيوتر
    _         _           ___     _  _     _     
  /'_`\      ( )         (  _`\  ( )( )   ( )    
 ( (_) )    _| |    _ _  | |_) ) | || |   | |/') 
  > _ <'  /'_` |  /'_` ) | ,__/' | || |_  | , <  
 ( (_) ) ( (_| | ( (_) | | |     (__ ,__) | |\`\ 
 `\___/' `\__,_) `\__, | (_)        (_)   (_) (_)
                     | |                         
                     (_)
Enter the code depicted in ASCII art style.

Syndicate

RSS feed