هو فيه ايه يا جدعان؟؟

العراقيين مش هم المشكلة.. اخرهم كام واحد واشتروا اراضى اد ايه؟

لما نتكلم عن محافظ عمال يهد فى العمارات و يرمم فى الارصفة بالاسمنت.. لما نتكلم عن حكومة بتبيع اراضى بالمزاد اللى بيؤدى لزيادة سعر كل الاراضى اللى حواليها... لما نتكلم عن شركة حديد مكسبها الصافى بيدخل فى 50% بعد الضرايب.. لما نتكلم عن شركات اسمنت اتباعت وبتبيع انتاجها برة مصر وبتغلى جوه مصر مع ان تكاليفها نسبيا قليلة.. لما نتكلم عن حكومة لو عملت مواصلات نضيفة (مترو مثلا) كان زمان نص اسكندرية سكنت فى برج العرب وحتت تانيه.. لما نتكلم عن نفسنا احنا اللى كل واحد عايز يسكن جنب أهله ومالوش دعوة.. لما نتكلم عن كل الشقق المقفولة اللى تكفى كل الشباب اللى نفسه يتجوز.. لما نتكلم عن كل الاسمنت والحديد المرمى فى الساحل الشمالى وغيره علشان اسبوع فى السنة.. لما نتكلم عن شركات المقاولات اللى كتير منها بتمص دمنا.. لما بعد كل ده تقول المشكلة فى العراقيين... يبقى فيه مشكلة...

وعلى فكرة.. انا اعرف اكتر من واحد عراقى فى مصر حالتهم المادية زى الزفت وطلعوا من العراق بحياتهم بالعافية.. ياريت يدخلوا هنا ويردوا :)

السلام عليكم و رحمة الله و بركاته
اسمي خالد يوسف و أنا عراقي مقيم في مصر و تحديداً مدينة الأسكندرية
أحب ان اعلمك بأن عدد العراقيين في مصر هو رقم صغير جداً بالمقارنة مع الأردن و سورياو لا يتجاوز الـ200 الف شخص معظمهم متركزين في مدينة السادس من اكتوبر و مدينة المهندسين في الجيزة و مدينة نصر و مدينة الرحاب
أما في الأسكندرية فعددهم قليل جداً مقارنة مع المدن الأخرى
بصورة عامة فأن العراقيين في مصر قليلين مقارنة مع الجاليات العربية و الاجنبية الاخرى و لا يحتاج هنا الى ذكر احصائياتهم لان هذا شيء واضح...
الأمر الاخر هو وصف العراقيين بالأثرياء جداً، مع العلم انت ذكرت انهم لاجئوون فأين الثراء من هذا
لدينا مثل عراقي يقول "صيت الغنا و لا صيت الفقر"، نعم نحن اغنياء بثقافتنا و حضارتنا، لكن مع الأسف ليس لدينا الكثير من الأموال
نحن جئنا الى مصر و غيرها من البلدان العربية لاجئون لا سائحون، هاربون من الحرب لا مستمتعون، تركنا بيوتنا و ممتلكاتنا من اجل البحث عن الأمن و الأمان المفقودان في بلدنا
مع الأسف اخواننا العرب يظنوون أننا مثل الدول الخليجية نملك اموال النفط في جيوبنا، لكن لعلمكم ان عائدات النفط كلها تذهب الى الحكومة و مافيات التهريب المنتشرة في البلد حالياً، لذلك نحن دائماً عرضة لرفع السعر بوجوههنا من قبل الغير حال معرفتهم بكوننا عراقيين الجنسية
يا أخي الكريم دعني اتكلم عن نفسي، كنت في بغداد طالب هندسة اتصالات سنة ثالثة، عندما اتيت هنا و اردت اكمل دراستي فوجئت بأرتفاع الاسعار لل"أجانب" و فوق كل ذلك الهندسة هنا تستمر خمس سنين و يريدون ان يرجعوني سنة واحدة للوراء بسبب عدة مواد لا علاقة لها بالاختصاص
لذلك اضطررت للتسجيل في جامعة ذات هدف خيري لا ربحي في القاهرة بأختصاص اخر مضيعياً من ذلك 3 سنين من عمري
اين الثراء من هذا؟
الى حد الان انا اسكن في شقة مؤجرة و لا استطيع شراء اي شقة هنا
اين الثراء من هذا؟
و دائماً احاول قدر الأمكان التقتير على نفسي و الاقتصاد من اجل عائلتي
فأين الثراء من هذا؟
اذا كنت رأيت عدد من العراقيين الاثرياء في مصر بغض النظر عن سبب و مصدر ثراءهم المالي، ارجو ان لا تعممون هذا الشيء على كل العراقيين
فهنالك الكثير من العراقيين المحتاجين والذين لا يملكون شيئاً و قد بدئت قبل فترة محاولات لجمع التبرعات لأجلهم
الحمد لله و الشكر على كل حال و حفظكم الله و ستركم من كل مكروه
انا اسف على اطالتي عليكم و شكراً لكم

اخر السبعينات كانت ايام الاسمنت المغشوش بتاع الانفتاح.. ما تثقش أوى فى عمارة اتبنت اخر السبعينات.. صحيح الابراج اللى انا فيها سمعتها كويسة فى موضوع الاسمنت ده لكن برضه..

وبالنسبة لل 130 الف انا جبتهم من بيع شقة تانية كان ابويا اشتراهالى فى التمانينات ب 36 ألف  :P:P:P ربنا يخليلنا الحاج

انا معاك ان الناس بتستهبل وتغلى وخلاص لكن لما الاسعار تتضرب فى 4 فى أقل من 4 سنين.. ده مش منطقى مهما السولار كان بيغلى السمنة البلدى لسه العلبة ب 60 جنيه :p